SKEIÐ Í CD-ORÐ OG ØÐRUM KT-AMBOÐUM
Mentamálaráðið skipar í samstarvi við orðblindafelagið fyri skeiði í námfrøðiligum KT-amboðum. Skeiðið er ætlað orðblindalærarum, serlærarum, lesivegleiðarum og øðrum lærarum, sum nýta CD-orð í undirvísingini. Tilmelding í seinasta lagi 23. mars 2018. Lærarar skulu hava teldu, sum hevur CD-orð forritið, við á skeiðið. Mentamálaráðið rindar vikarútreiðslur í neyðugum vavi.
Stað og tíðarskeið
Skeiðið verður í Skúlanum á Argjahamri 9. og 10. apríl 2018.
• 9. apríl frá kl. 09-15
• 10. apríl frá kl. 09-15
Lærari
Lærari á skeiðnum er Christian Boch, sum er serfrøðingur í nýggjastu hjálparamboðunum, sum kunnu bøta um skúlalívið, læruúrtøkuna og gerandisdagin hjá orðblindum og lesi- og skriviveikum næmingum
Innihaldið í skeiðinum
Skeiðið skiftir millum fyrilestarar og verkligt arbeiði, har luttakararnir sleppa at royna ymisk amboð og ymiskar funkur, ið eru savnaðar á ymiskum lærupallum. Innihaldið er í høvuðsheitum:
I. CD-orð- Lesi- og skriviforrit. Frá 1. marts 2018 verður CD-orð umlagt frá CD-ORD9 til CD ORD10 – Hvørjar eru broytingarnar, og hvussu kunnu vit innstilla profilarnar til tørvin hjá tí einstaka næminginum?
• Nota (Ljóð- og netbókasavn) + Nota sum telefonapp.
• Ymsar fartelefonappir
• Hondskannari
• C-pennur (skanna tekst)
• App-writer (mac)
• Google-drev/google-docs
• Hvussu kann eg nýta mína snildfon sum orðabók (SMS og frá talu til tekst osv.)
• Globus (granskingarrelaterað)
• Siri
• O.a.
Onnur evni, ið eisini verða umrødd, eru:
• Hvussu kunnu foreldur fáa innlit í ymisku amboðini og harvið gerast ein hollur stuðul í lærutilgongdini hjá barninum?
• Hvussu bera vit okkum at fyri at fáa greiðu á, hvønn tørv einstaki næmingurin hevur?
• Hvussu kunnu vit eggja næmingum at nýta tey amboð, ið eru til taks, og hvussu kann næmingurin gerast meiri sjálvbjargin á KT-økinum?
Á skeiðnum fáa luttakarar høvi at vísa á egnar royndir og ítøkiligar avbjóðingar.
Blíðar heilsanir
Mentamálaráðið og Orðblindalærarafelagið